Վրացական ցինիզմ

Վրաստանի ընդդիմադիր Լեյբորիստական կուսակցության ներկայացուցիչները հայտնի դերասան եւ երգիչ Վախթանգ Կիկաբիձեին են ուղարկել ամերիկահայ միլիարդատեր Քըրք Քըրքորյանի լուսանկարը. տեղեկացնում է Regnum գործակալությունը:

Կուսակցության գլխավոր քարտուղար Սոսո Շատբերաշվիլին այսօր մամուլի ասուլիսի ժամանակ հայտարարել է, որ դերասանը սխալվում է` ասելով, թե «Վրաստանի նախագահ Միխայիլ Սահակաշվիլիին Աստված է ուղարկել»:

«Այդ բռնակալին մեզ ուղարկել է ոչ թե Աստված, այլ Քըրք Քըրքորյանը»,- պնդել է ընդդիմադիր գործիչը` հավելելով, որ Սահակաշվիլին «Աստվածածնի երկիրը» քայքայելու առաջադրանք է ստացել, ինչ էլ հաղոջությամբ իրականացնում է` Գոդերձինյան կիրճում թունել կառուցելով:

Լեյբորիստները ենթադրում են, որ այդ թունելը կատարելու է նույն դերը, ինչ ժամանակին Ռոքի կիրճը` օգնելու է Վրաստանից անջատել նրա հարավային մասը: