Հոլանդիան քաղաքական ապաստան է տվել Ցեղասպանությունը ճանաչած թուրք դատավորին

Հոլանդիայի իշխանությունները ապաստան են տվել թուրք դատավոր Չակաթայ Չեթինին, որը հայրենիքում հալածվում է Հայոց ցեղասպանության եւ քրդերի իրավունքների վերաբերյալ արտահայտած կարծիքի համար:

Ինպես տեղեկացնում Nouvelle d'Arménie ամսագիրը, Չեթինը, որ հայկական ու քրդական ծագում ունի, 17 տարվա ազատազրկման էր դատապարտվել թուրքական դատարաններից մեկի կողմից: 2010 թվականի հունվարին նրան հաջողվել է կեղծ փաստաթղթերով փախչել Թուրքիայից:

Ոչ պաշտոնական հավաքներից մեկի ժամանակ Չեթինը բացիեբաց ճանաչել էր Հայոց ցեղասպանության փաստը, նաեւ քննադատել քրդերի դեմ իրականացվող բռնությունները եւ գրավյալ Հյուսիսային Կիպրոսի հարցում Անկարայի որդեգրած քաղաքականությունը: