Խուսափում են պատասխանատվությունից

Եթե Թուրքիան կարողանա առերեսվել 1915 թվականի հետ եւ ներողություն խնդրել հայերից, ապա երկու ժողովուրդները միասին պայծառ ապագա կունենան: Այս մասին հայ եւ թուրք լրագրողների հետ հանդիպման ժամանակ ասաց Դիարբեքիրի քաղաքապետ Օսման Բայդեմիրը:

Քաղաքապետը նշեց, որ թուրքերի նոր սերունդը գրեթե տեղյակ չէ, թե ինչ է կատարվել մոտ հարյուր տարի առաջ եւ պատասխանտու չէ 1915 թվականի հայկական կոտորածների համար:

«Երկիր»-ի այն հարցին, թե  այդ դեպքում ո՞վ է պատասխանատու Ցեղասպանության համար, Օ. Բայդեմիրը պատասխանեց. «Այն մարդիկ են, ովքեր այդ շրջանում ղեկավարում էին երկիրը` կառավարության ներկայացուցիչները, քաղաքապետերը, ուժային կառույցների ղեկավարները, մեկ խոսքով` երիտթուրքերը»: