Մեկ տարում՝ ինտերնետի 2580 բաժանորդ

ԼՂՀ ազգային վիճակագրական ծառայության տվյալներով` ապրիլի 1-ի դրությամբ Արցախում հիմնական հեռախոսային ապարատների թիվը կազմել է 23183 հատ, այդ թվում բնակարանայինը` 19513 հատ:

Բջջային ցանցի ապարատների թիվը 80091 է, այդ թվում մշտական գծինը` 54679: Ի դեպ, անցյալ տարվա ապրիլի 1-ին բջջային ցանցի ապարատների թիվը 46160 էր:

Ինտերնետ ցանցի բաժանորդների թիվը կազմել 9362, այդ թվում բնակարանայինը` 8331 բաժանորդ: Անցյալ տարվա նույն ժամանակահատվածում ինտերնետի բաժանորդների թիվը 6783 էր:

Ինտերնետ բաժանորդների թիվը զգալիորեն կաճի այսուհետ եւս, քանի որ մայիսի 1-ից «Ղարաբաղ Տելեկոմ» ընկերությունը նվազեցրել է ինտերնետային ծառայությունների սակագները: Մեր տվյալներով` ընկերությունում ինտերնետ կապից օգտվել ցանկացողների հերթ է գոյացել: