Թուրքական խաբեություն

Թուրքիայի վարչապետ Ռեջեփ Թայիփ Էրդողանը նախընտրական քարոզարշավի շրջանակում Կարսի ընտրողների հետ հանդիպման ժամանակ անդրադարձել է նաեւ հայ-թուրքական հարաբերությունների կարգավորման գործընթացին:

«Մենք Ադրբեջանի, Նախիջեւանի հետ հավերժ եղբայրներ ենք: Ինչ վերաբերում է խաղաղությանը, ապա մենք բարի նպատակով հաշտեցման ձեռք ենք մեկնել Հայաստանին: Այժմ հերթը նրանն է»:

Կարսում Էրդողանը մասնակցել է նաեւ Ադրբեջանի նախկին նախագահ Հեյդար Ալիեւի անվան արդյունաբերական վարժարանի հիմնարկեքի արարողությանը, որի ընթացքում խոսել է թուրք-ադրբեջանական հարաբերությունների եւ Բաքու-Թբիլիսի-Կարս երկաթգծի կառուցման մասին:

Թուրքական լրատվամիջոցները տեղեկացնում են նաեւ, որ Էրդողանի հանրահավաքի ժամանակ միջադեպ է տեղի ունեցել: Մի խումբ մարդիկ հակաիշխանական կոչեր են հնչեցրել: Իրավապահներն անմիջապես միջամտել եւ ձերբակալել են 10 մարդու: