Ճանաչել են չերքեզների ցեղասպանությունը

Վրաստանի խորհրդարանը երեկ միաձայն ընդունել է «Ռուսական կայսրության կողմից 18-19-րդ դարերում չերքեզ ժողովրդի դեմ իրականացված ցեղասպանության ճանաչման մասին» բանաձեւը. տեղեկացնում է Ghn.ge կայքը:

Բանաձեւի համաձայն` 1763–1864 թթ. Ռուսական կայսրության քաղաքական եւ ռազմական ղեկավարությունը չերքեզական տարածքներում էթնիկ զտումներ է ծրագրել ու իրականացրել, ապա այդ տարածքները վերաբնակեցրել է այլ էթնիկ խմբերով:

Ի դեպ, Վրաստանի խորհրդարանի պաշտպանության եւ անվտանգության հանձնաժողովի նախագահ Գիվի Թարգամաձեն առաջարկել է ճանաչել նաեւ հյուսիսկովկասյան այլ ժողովուրդների ցեղասպանությունը եւս:

Ըստ նրա` չերքեզների ցեղասպանությունը միակը չէր, որ Ռուսաստանն իրականացրել է Հյուսիսային Կովկասում եւ «շարունակում է իրականացնել առ այսօր»: