ԱՌԱՎՈՏ. Ներողություն` հանիրավի վիրավորելու համար

ՀԱԿ-ի եւ իշխանության միջեւ սկսված երկխոսությունից հետո հրապարակավ առաջարկ էր հնչել, որ Լեւոն Տեր-Պետրոսյանը ներողություն խնդրի ՕԵԿ նախագահ Արթուր Բաղդասարյանից, որին ժամանակին անվանարկել էր` իշխանության հետ համագործակցության համար:

Երեկ «Առավոտի» հարցին, թե ինքն ակնկալո՞ւմ է նման ներողություն` Արթուր Բաղդասարյանն այսպես արձագանքեց. «Ժամանակը տալիս է բոլոր հարցերի պատասխանը»: Եվ հավելեց. «Ինչ վերաբերում է ներողություն խնդրել-չխնդրելուն` ինձ թվում է, շատ մարդիկ իրենց արածների համար պետք է ներողություն խնդրեն, եւ ոչ միայն կոնկրետ իմ դեպքում, այլեւ բազմաթիվ այլ դեպքերում` հանիրավի մարդկանց վիրավորելու համար»: