ՀՐԱՊԱՐԱԿ. Փորձել են խլել բիզնեսը

Մամուլում գրվել էր, որ քրեական աշխարհի ներկայացուցիչներ Զապն ու Օշականցի Գեւորիկը փորձել են խլել ռուսաստանցի գործարար Արամ Քոչարյանի բիզնեսի մի մասը:

Վերջինս Հայաստանում մի շարք ձեռնարկություններ ունի, մասնավորապես` շշի արտադրության գործարան:

Քրեական աշխարհի պարագլուխները պահանջել էին Արամ Քոչարյանից իրենց փոխանցել որոշ ձեռնարկություններ, այդ թվում` շշարտադրության գործարանը, ու դրա համար ժամանակ էին սահմանել:

Որոշ ժամանակ առաջ Օշականցի Գեւորիկը կալանավորվեց թմրանյութեր պահելու համար: Կալանավորված է նաեւ նրա եղբայրը: Իսկ Զապը փախուստի մեջ է:

Մեր տեղեկություններով` Արամ Քոչարյանը հանդիպել է Սերժ Սարգսյանի հետ, բողոքել, որից հետո որոշվել է, որ նրան շանտաժի ենթարկող գողականները պետք է նստեն:

Ուշագրավ է, որ քրեականները պատասխանատվության են ենթարկվում ոչ թե շանտաժի, այլ թմրանյութերի համար: