Երեւանը գրավիչ դարձնենք զբոսաշրջության համար

Երևանը աշխարհին ներկայանալու լավ հնարավորություններ ունի, բայց, ցավոք, Երեւան բրենդը շատ վատ է գովազդվում եւ քիչ է հայտնի զբոսաշրջիկներին. այսօր զբոսաշրջային ոլորտի ավելի քան 90 կազմակերպությունների ներկայացուցիչների հետ հանդիպման ժամանակ ասել է քաղաքապետ Կարեն Կարապետյանը:

Երևանում զբոսաշրջության զարգացման հիմնական մոտեցումների ու ծրագրերի քննարկման ժամանակ կարեւորվել է մայրաքաղաքի զբոսաշրջային միասնական հայեցակարգի մշակման անհրաժեշտությունը: Քաղաքպետն առաջարկել է գործակալություններին ակտիվորեն համագործակցել, ներկայացնել ծրագրային հստակ առաջարկներ, ինչպես նաև կարծիքներ, թե ինչ սպասելիքներ ունեն զբոսաշրջային գործունեության դաշտում ներգրավված ընկերությունները քաղաքապետարանից` Երևանը զբոսաշրջության առումով առավել գրավիչ դարձնելու հարցում. տեղեկացնում է քաղաքապետարանի տեղեկատվության եւ հասարակայնության հետ կապերի վարչությունը: