Սահմանային հսկիչ կետերում հերթեր չե՞ն գոյանա

Կառավարության այսօրվա նիստում վարչապետ Տիգրան Սարգսյանն անդրադարձավ սահմանը հատելու վերաբերյալ քաղաքացիների բողոքներին:

«Սահմանը հատելիս մարդիկ բավական երկար ժամանակ են ծախսում ֆորմալ պրոցեդուրաների վրա, դրան ավելացել է նաեւ ավտոմեքենաների պարտադիր ապահովագրության խնդիրը, որը հերթերի առաջացման պատճառ է դարձել»,- նշեց վարչապետը` տեղեկացնելով, որ կառավարությունը դիմել է Կենտրոնական բանկին` խնդրելով լուծում տալ հարցին:

«Ապահովագրական ընկերությունները պատրաստ են ծառայություն մատուցել սահմանակետերի մոտ` իրենց հատկացված տարածքներում: Եվ մենք այս հերթերից հնարավորինս սեղմ ժամկետում պետք է ձերբազատվենք»,- նշեց կառավարության ղեկավարը: