Սեւակին սպանողը չի դատարկել իր զենքի պահունակը

Ի հայտ են եկել նոր մանրամասներ թուրքական զորամասերից մեկում ապրիլի 24-ին սպանված 25-ամյա հայազգի զինվոր Սեւակ Շահին Բալըքչըի գործում:

Պարզվել է, որ այդ օրը զինվորներին հանձնարարված է եղել զորամասի շուրջը փշալարեր անցկացնել: Սովորաբար նման գործողություններից առաջ, հրամանատարների հսկողությամբ, զինծառայողները դատարկել են զենքերի պահունակները, հետո միայն, դարձյալ հրամանատարների հսկողությամբ, անցկացրել փշալարերը: Սակայն այդ օրը ոչ մի հրամանատար չի վերահսկել աշխատանքները, եւ Սեւակին սպանած Քվանչ Աղաօղլուն չի դատարկել իր զենքի պահունակը:

Հիշեցնենք, որ, ըստ պաշտոնական վարկածի, Սեւակը մահացել է ծառայակից ընկերոջ հետ կատակելու ընթացքում հրազենից արձակված կրակոցից: