ԲՀԿ-ն խորհրդարանական ընտրություններին կմասնակցի առանձին ցուցակով

«Բարգավաճ Հայաստան» կուսակցությունը խորհրդարանական ընտրություններին կմասնակցի առանձին ցուցակով` «ի հեճուկս տարբեր սցենարներ եւ միզանսցեններ շրջանառության մեջ դնողների». հայտարարել է ԲԿՀ խորհրդարանական խմբակցության պատգամավոր Նաիրա Զոհրաբյանը:

Նա իր վրդովմունքն է հայտնել կուսակցության եւ ԲՀԿ առաջնորդ Գագիկ Ծառուկյանի դեմ վերջերս սկսված արշավի կապակցությամբ. «Ի դեպ, խիստ ուշագրավ է, որ արշավը ԲՀԿ-ի դեմ սկսվեց հենց այս օրերին, երբ բոլորը «մոռանալով» նախկին ամենալրջագույն մեղադրանքներն ու վիրավորանքները՝ հրապարակային երկխոսության գործընթաց են սկսել»:

Պատգամավորը հայտարարել է, որ ԲՀԿ-ն պատրաստ է եւ ունի բոլոր ռեսուրսները՝ դիմակայելու պատվիրված արշավներին, «որովհետեւ մենք մեր թիկունքում ունենք հանրային մեծ աջակցություն»: