Գաղտնի փաստաթղթերը մոռացել է հյուրանոցում

Իսրայելի պաշտպանության նախարար Էհուդ Բարաքը մի քանի ամիս առաջ գաղտնի փաստաթղթեր է մոռացել Լոնդոնի հյուրանոցներից մեկում: Երեկ այդ մասին տեղեկացրել է իսրայելական 2-րդ հեռուստաալիքը:

Մեծ Բրիտանիա այցի ժամանակ Բարաքը հանգրվանել է Park Plaza հյուրանոցում եւ այնտեղ նրան տարբեր փաստաթղթեր են ուղարկել` ծանոթացման համար, այդ թվում` հույժ գաղտնի: Բարեբախտաբար, որոշ ժամանակ անց հյուրանոցի նույն համարում հանգրվանել է իսրայելցի մի գործարար: Նա էլ հայտնաբերել է փաստաթղթերն ու հանձնել անվտանգության մարմիններին:

Ըստ հեռուստաալիքի` փաստաթղթերը հույժ գաղտնի դասին են պատկանել:

Իսրայելի պաշտպանության նախարարությունը հաստատել է մոռացված փաստաթղթերի մասին տեղեկատվությունը` նշելով, սակայն, որ դրանք այնքան էլ կարեւոր ու գաղտնի չեն եղել: