Ի՞նչ են թաքցնում ՊԵԿ-ում

Դեռեւս ապրիլի 12-ին Պետական եկամուտների կոմիտեին հարցում էինք ուղարկել, խնդրելով մեզ ներկայացնել տեղեկատվություն այն մասին, թե  2011 թվականի առաջին եռամսյակի ավարտին ինչքա՞ն հարկային պարտականություններ ունի եւ դրանց ո՞ր մասն է վճարել ՀՀ պետական բյուջե ՙԱրմավիա՚ ընկերությունը: Ըստ Տեղեկատվության ազատության մասին օրենքի, եթե լրացուցիչ ուսումնասիրության կարիք չի լինում, հարցմանը պարտավոր էին պատասխանել հինգ օրվա ընթացքում, սակայն ՊԵԿ-ից դեռ  նորություն չկա:

Իսկ հարցման պատճառն այն էր, որ վերջին շրջանում տարբեր լուրեր են պտտվում  «Արմավիայի» հայտնի և անհայտ ֆինանսական պարտավորությունների, ինչպես նաև դրա պատճառով ծագած պրոբլեմների մասին։

Նշենք, որ մեր ունեցած տեղեկություններով, «Արմավիայի» հարկային պարտավորությունը պետական բյուջեի նկատմամբ ապրիլի 1-ի դրությամբ կազմում էր մոտ 2 միլիարդ դրամ: