Թուրքամետ բանաձեւ` ԱՄՆ Կոնգրեսում

ԱՄՆ կոնգրեսական Վիրջինիա Ֆոքսն իր ընկերների քննարկմանն է ներկայացվել է բանաձեւի նախագիծ, ըստ որի` «Թուրքիան համարվում է ԱՄՆ-ի կարեւորագույն ռազմավարական գործընկերներից մեկը». տեղեկացնում է  TRT Russian-ը:

Նախագծում նաեւ պահանջվում է Թուրքիայի Հանրապետության օրը` հոկտեմբերի 29-ը, ամեն տարի նշել Միացյալ Նահանգներում, նաեւ ընդգծվում է, որ «Թուրքիան հիմնականում մահմեդական, աշխարհիկ եւ ժողովրդավար պետություն է եւ, ամրապնդելով իր ժողովրդավարությունը, տարածաշրջանում կայունության աղբյուր է»:

Ավելին, ըստ բանաձեւի նախագծի, հարկավոր է շնորհակալություն հայտնել Թուրքիային Իրաքում եւ Աֆղանստանում կայունություն հաստատելու, ահաբեկչության դեմ պայքարելու համար:

Նախագիծը քննարկվելու է Ներկայացուցիչների պալատի արտաքին հարաբերությունների հանձնաժողովում: