Հայաստան է ժամանել Վրաստանի պաշտպանության նախարարը

Վրաստանի պաշտպանության նախարար Բաչո Ախալայան ապրիլի 18-ին պաշտոնական այցով ժամանել է Հայաստան:

ՀՀ պաշտպանության նախարարությունում Հայաստանի և Վրաստանի պաշտպանության նախարարների հանդիպումից հետո` ժամը 14:00-ին, տեղի է ունենալու երկու երկրների պաշտպանության նախարարների ճեպազրույցը, որի ընթացքում նախարարները ամփոփելու են քննարկումների արդյունքները և պատասխանելու են լրագրողների հարցերին:

Հայաստան կատարած պաշտոնական այցի շրջանակներում այսօր նախատեսված է Վրաստանի պաշտպանության նախարարի այցը Հայոց ցեղասպանության զոհերի հիշատակը հավերժացնող հուշահամալիր, ինչպես նաև Վազգեն Սարգսյանի անվան ռազմական ինստիտուտ. տեղեկացնում է ՀՀ ՊՆ մամուլի ծառայությունը: