Բուժհաստատությունների շինարարությունը շարունակվում է

2010թ. հանրապետությունում ծնվել է 2744 երեխա. այսօր կառավարության նիստերի դահլիճում հայտարարել է ԼՂՀ առողջապահության նախարար Սերգեյ Մովսեսյանը` ներկայացնելով նախարարության անցյալ տարվա գործունեության մասին հաշվետվությունը։

Վարչապետը, անդրադառնալով ոլորտում իրականացվող ծրագրերին, շեշտել է, որ, հաշվի առնելով երկրի ժողովրդագրական իրավիճակի բարելավման միտումները, սկսվել են Ստեփանակերտի ծննդատան նոր շենքի կառուցման աշխատանքները: Նրա տեղեկացմամբ՝ ավարտին է մոտենում հանրապետական հիվանդանոցի, Մարտակերտի շրջանային հիվանդանոցի շենքերի շինարարությունը, իսկ Մարտունու, Բերձորի շրջանային հիվանդանոցների շինարարությունը մեկնարկային փուլում է:

Ոլորտում կատարված աշխատանքները, ըստ վարչապետի, դեռ բավարար չեն, ուստի անհրաժեշտ է շարունակել բարեփոխումները` մարդկանց առողջության պահպանությունը դիտելով որպես գլխավոր խնդիր: