Ձնաբուքն անանցանելի է դարձրել ճանապարհները

Ապրիլի 13-ին՝ ժամը 02.04-ին, ահազանգ է ստացվել, որ Վանաձոր-Ալավերդի ավտոճանապարհի 15-րդ կիլոմետրում` «Սատանի կամուրջ» կոչվող ոլորաններում, մեքենաներ են հայտնվել ձնաբքի մեջ. տեղեկացնում է «Արտակարգ ալիքը»:

Տեղում պարզվել է, որ ճանապարհը դժվարանցանելի է, մարդատար ավտոմեքենաներ չկան, ճամփեզրին կայանված են մոտ 10 բեռնատար ավտոմեքենա, որոնք երթևեկությունը կշարունակեն առավոտյան

Նույն օրը՝ ժամը 04.57-ին, ահազանգ է ստացվել, նաեւ Սիսիան-Երևան ավտոճանապարհի 38-րդ կիլոմետրում մեքենաների` ձնաբքում հայտնվելու վերաբերյալ:

Դեպքի վայր է մեկնել մեկ մարտական հաշվարկ: Հրշեջ-փրկարարների ուժերով ճանապարհի երթևեկելի հատված են դուրս բերվել 3 մարդատար ավտոմեքենաներ: