ԱՌԱՎՈՏ. Պատիժ` նաեւ կաշառք առաջարկելու համար

ԵԽ մամուլի ծառայության երեկվա հաղորդագրության համաձայն` Եվրոպայի Խորհրդրի Կոռուպցիայի դեմ պայքարի պետությունների խումբը (GRECO) հրապարակել է Հայաստանի վերաբերյալ 3-րդ զեկույցը:

Այստեղ մասնավորապես առաջարկվում է ՀՀ քրեական օրենսգրքում պատիժ սահմանել կաշառք առաջարկելու համար: Իսկ «Կուսակցությունների մասին» օրենքում եւ «Ընտրական օրենսգրքում» փոփոխությունների միջոցով GRECO-ն կոչ է անում ուժեղոցնել Հայաստաոնւմ կուսակցությունների եւ նախընտրական քարոզարշավների ֆինանսավորման թափանցիկության նկատմամբ հսկողությունը: Եվ առաջարկում է դրա համար ստեղծել անկախ դիտարկման մեխանիզմ:

GRECO-ն ներկայացրել է 19 հանձնարարական, որոնց իրականացման ընթացքը կգնահատի 2012թ. երկրորդ կեսին: