Ձյուդոյի մրցաշար` Վանաձորում

Ձյուդոն Վանաձորում 35 տարեկան է: 

Լոռու մարզի ձյուդոյի նորաստեղծ ֆեդերացիայի նախաձեռնությամբ` «Հայաստան» մարզական հասարակական կազմակերպության Ստեփան Սարգսյանի անվան մարզադպրոցում, որի 45-ամյակն է լրանում այս տարի,  անցկացվեց երկու հոբելյանական տարեթվերին նվիրված` ձյուդոյի դեռահասների հանրապետական առաջնություն:

Տարբեր քաշային կարգերում մասնակցում էր հանրապետութան 8 մարզերի 208 մարզիկ:

Տոնը տոն, սակայն խնդիրները, նույնիսկ չեն մոռացվում:  Վաստակաշատ մարզիչներն ասում են` դժվար է անմնացորդ նվիրվել սիրած գործին, մարզել չեմպիոններ` այդ ամենի դիմաց սիմվոլիկ վարձատրություն ստանալով:

Մրցաշարի արդյունքում 27, 38, 46 կգ քաշային կարգերում առաջին տեղը գրավեցին Կոտայքի մարզիկները, 30, 42, 50, 55, 60 կգ քաշային կարգերի առաջատարները լոռեցիներն էին, 60 և ավելի քաշային կարգում առաջին տեղը նվաճեց երևանցի մարզիկը:

Թիմային հաշվարկով Լոռու մարզն առաջին տեղում է: