Լեզվակռիվ` Ազգային ժողովում (տեսանյութ)

ԱԺ տարածքային կառավարման եւ տեղական ինքնակառավարման հարցերի մշտական հանձնաժողովում բացօթյա առեւտրի արգելքի մասին խորհրդարանական լսումների ժամանակ լեզվակռիվ տեղի ունեցավ առեւտրականների եւ հանձնաժողովի նախագահ, ՕԵԿ-ական պատգամավոր Հովհաննես Մարգարյանի միջեւ:

Փոխքաղաքապետ Կամո Արեյանի ելույթից հետո պատգամավորը թույլ չտվեց քաղաքացիներին իրենց հարցերն ուղղել բանախոսին` ասելով, թե հետո ելույթներում կկարողանան հարցեր ձեւակերպել:

Զայրացած առեւտրականները, միմյանց հերթ չտալով, սկսեցին բղավել, թե իրենք սոված են եւ աշխատանքի կարիք ունեն, ապա հայտարարեցին, որ իրենց հարցին լուծում չտալու դեպքում կհեռանան երկրից:

Հ. Մարգարյանին չհաջողվեց լռեցնել քաղաքացիններին, եւ նիստն ընդմիջվեց:

Ցուցարարների ձայնը փորձեց բարձրացնել ՀՅԴ խմբակցության պատգամավոր Արծվիկ Մինասյանը, փորձելով վարման կարգով ձայն խնդրել, սակայն Հովհաննես Մարգարյանը նրան էլ խոսելու հնարավորություն չտվեց` ասելով, որ հարցեր տալու հնարավորություն կունենան իրենց ելույթների ընթացքում:

Ի դեպ, լսումներին ակտիվորեն մասնակցում էին նաեւ «ժառանգություն» խմբակցության պատգամավորները, իսկ առեւտրականներն իրենց խոսքում չէին մոռանում պարբերաբար շնորհակալություն հայտնել ԱԺ երկու ընդդիմադիր կուսակցություններին` իրենց հոգսերը լսելու, եւ օգնելու փորձերի համար:

Տեսանյութը` այստեղ: