168 ԺԱՄ. Սեփական աչքի էֆեկտը

«Ես գյուղատնտեսության մեջ իրենց պես խորը մասնագիտացած չեմ, դրա համար գնահատել չեմ կարող»,- երեկ մեր թղթակցի հետ զրույցում ասել է ՀՅԴ խմբակցության ղեկավար Վահան Հովհաննիսյանը` պատասխանելով տարբեր ոլորտների պաշտոնյաների հետ նախագահ Սերժ Սարգսյանի եւ վարչապետ Տիգրան Սարգսյանի հանդիպումների, հանձնարարությունների եւ գյուղական շրջաններ այցելությունների մասին հարցին:

Գուցե այդ միջոցառումներն ունեն ընդամենը նախընտրակա՞ն բնույթ:

«Բայց դա լավ է, նույնիսկ, եթե նախընտրական է: Լավ է, եթե նախագահը գնում եւ իր աչքով է տեսնում, թե ինչպես է ապրում իր ժողովուրդը, ոչ թե լսում է պնակալեզների զեկույցները, որոնք գալիս եւ ասում են, թե` շեֆ ջան, ամեն ինչ լավ ա: Նախագահը գնում է, տեսնում է, թե ինչպես են մարդիկ ապրում ու սկսում է երեկոները մտածել, թե ում է պետք պատժել այս վիճակի համար: Հուսով եմ` եզրակացությունները շուտով կտեսնենք»,- պատասխանեց Վ. Հովհաննիսյանը: