Եմենում արտակարգ դրություն է

Եմենի խորհրդարանն այսօր որոշում է կայացրել երկրում արտակարգ դրություն հայտարարելու մասին:

Ըստ արաբական հեռուստաալիքների` երկրի նախագահ Ալի Աբդալլահ Սալեհի նախաձեռնած օրինագծին հավանություն է տվել խորհրդարանի արտակարգ նիստին մասնակցող պատգամավորների մեծ մասը: Այսպիսով` օրինականացվեց անցած ուրբաթ օրվանից 30 օրով հայտարարված արտակարգ դրությունը:

Հիշեցնենք, որ մարտի 18-ին կառավարական ուժերը կրակ էին բացել ցուցարարների վրա, զոհվել էր 50 մարդ:

Եմենում բողոքի գործողությունները շարունակվում են արդեն 2 ամիս: Ցուցարարների հիմնական պահանջներից մեկն արդեն ավելի քան 30 տարի իշխող նախագահ Սալեհի հրաժարականն է: