Ամեն ինչ անում են, որ դոմինանտ լինեն

Քաղաքագետ Երվանդ Բոզոյանը հացադուլը համարում է քաղաքական ակցիա, որով «Ժառանգության» առաջնորդը փորձում է իր վրա հրավիրել հասարակության ուշադրությունը:

ԵՐԿԻՐ-ի հետ զրույցում նա նաեւ անդրադարձավ ՀԱԿ-ի գործողություններին եւ վերջին հանրահավաքին: Երեկ Ազատության հրապարակ մտնելը, ըստ քաղաքագետի, ինչ-որ իմաստով համաձայնեցված է եղել գործող իշխանությունների հետ:

«Տեր-Պետրոսյանը փորձում է ամեն ինչ անել, որպեսզի քաղաքական դաշտում իշխանությունը եւ ՀԱԿ-ը մնան դոմինանտային վիճակում»,- նշեց քաղաքագետը` հավելելով, որ թե' ՀԱԿ-ը, թե' «Ժառանգությունը» փորձում են դոմինանտային դեր կատարել քաղաքական դաշտում` առավելագույնս չեզոքացնելով իրենց մրցակիցներին: