Ճապոնիայի կայսրը դիմել է ժողովրդին

Ճապոնիայի կայսր Ակիhիտոն հայրենակիցներին կոչ է արել չկորցնել հույսը եւ համախմբվել` մարտի 11-ին երկիրը պատուհասած աղետների հետեւանքները վերացնելու համար: Երկրաշարժից հետո նա առաջին անգամ է հեռուստատեսությամբ դիմել ժողովրդին:

«Ես անկեղծորեն, ամբողջ սրտով հույս եմ տածում, որ մեր ամբողջ ժողովուրդը միասնականություն, մերձավորի նկատմամբ գթասրտություն եւ հոգատարություն կցուցաբերի եւ դուրս կգա այս ծանր ու դժվար ժամանակներից»,- ասել է 77-ամյա միապետը` ցավակցություն հայտնելով զոհվածների հարազատներին:

Նա նաեւ մտահոգություն է հայտնել ճապոնական ատոմակայաններում տիրող «անկանխատեսելի» իրավիճակի կապակցությամբ:

Ավելի վաղ կայսրը եւ կայսրուհի Միտիկոն այցելել են աղետի գոտու բնակավայրեր` տուժածներին բարոյապես սատարելու համար: