Գնաճի պատճառը մենաշնորհն է

Գնաճ կա ամբողջ աշխարհում, բայց մեզ մոտ այն միշտ ավելի արտահայտված է լինում, քան այլ երկրներում: Սա վաղուց արդեն նորություն չէ մեզ համար:

Այսօր լրագրողների հետ հանդիպման ժամանակ «Սպառողների իրավունքների պաշտպանություն» ՀԿ-ի փոխնախագահ Կարեն Չիլինգարյանը գնաճի երկու պատճառ նշեց:

Առաջինն այն է, որ ներկրողների շուկան մենաշնորհային է, երկրորդը` մաքսազերծման ծառայություններն են բավականին թանկ, ի տարբերություն այլ երկրների: Սրանք այն գործոններն են, որ ուղղակիորեն ազդում են ապրանքների գնի վրա:

«Լավ կլիներ, որ ներկրվող որոշ ապրանքների դեպքում, որոնք չեն արտադրվում մեր երկրում,  մաքսազերծումն ավելի ցածր գներով արվեր, որպեսզի սպառողը չտուժի»,- ասաց Կ. Չիլինգարյանը: