Ադրբեջանը չի հաղթահարի

Թեեւ Ադրբեջանը ձգտում է մեծացնել իր ռազմական ներուժը, սակայն չի կարողանա կազմավորվել որպես հզոր ուժ եւ այնքան սպառազինվել, որ հաղթահարի ԼՂՀ Պաշտպանության բանակի եւ Հայոց բանակի զբաղեցրած դիրքերի առավելությունը: Այդ մասին, ըստ Wikileaks-ի գործընկեր Русский репортер-ի, ԱՄՆ պետքարտուղարությանն ուղղված` 2009 թվականի հուլիսի 2-ով թվագրվող զեկուցագրում գրել է ԱՄՆ դեսպան Էնն Դերսին:

Դեսպանի խոսքերով` Ադրբեջանը խելամտության սահմաններից դուրս վարդագույն սցենար է պատկերացնում Լեռնային Ղարաբաղի հարցում: Բացի այդ, նա նշել է, որ «Ադրբեջանի նախագահի ռազմաշունչ հռետորությունը զգալիորեն գերազանցում է երկրի ռազմական շինարարության արդյունքները»: