Նեֆերտիտին` կռվախնձոր

Գերմանիան հրաժարվում է Եգիպտոսին վերադարձնել Բեռլինի Նորագույն թանգարանում գտնվող` Նեֆերտիտիի հանրահայտ կիսանդրին` պատճառաբանելով, որ իրենք բոլոր լիակատար իրավունքներն ունեն այդ եզակի արձանիկն իրենց մոտ պահելու:

Այս հայտարարությունը հնչել էր այն բանից հետո, երբ Եգիպտոսիմշակույթի նախարարությունը տեղեկություն էր հրապարակել այն մասին, որ իրենց երկրի կառավարությունը Գերմանիայից պահանջում է անհապաղ Եգիպտոսին վերադարձնել հանգույն արձանիկը:

Գերմանական կողմը պնդում է, որ թեեւ շուրջ 3500 տարվա պատմություն ունեցող արձանիկը հայտնաբերվել է Եգիպտոսում, սակայն 1913-ին օրինական ձեւով բերվել է Գերմանիա, եւ այն ընդմիշտ մնալու է Բեռլինում:

Նախկինում Եգիպտոսը բազմիցս փորձել էր Գերմանիայից  հետ վերադարձնել արձանիկը, սակայն` ապարդյուն: