97.500 երեխա արդեն ունի անվճար բուժօգնության հավաստագիր

ՀՀ առողջապահության նախարարի մամլո խոսնակ Շուշան Հունանյանի փոխանցմամբ, հունվարի 1-ից  27-ն ընկած ժամանակահատվածում անվճար բուժօգնության հավաստագիր է բաժանվել  97.500 երեխայի: 

Նշենք, որ 0-7 տարեկան երեխաների հավաստագրի համակարգը ներդրվել է 2011թ. հունվարի 1-ից` Ծննդօգնության պետական հավաստագրի ներդրման ծրագրի շարունակականությունն ապահովելու նպատակով, ինչպես նաեւ ՀՀ ԱՆ մոր եւ մանկան առողջության պահպանման 2011թ. պետական նպատակային ծրագրի շրջանակներում: Այդ նպատակով, առողջապահության բյուջեում նախատեսված է լրացուցիչ 3,13 մլրդ դրամ: Ծրագրի համաձայն, 0-7 տարեկան երեխաները` անկախ ախտորոշումից եւ սոցիալական խմբից, իրենց տարիքային կարգավիճակով մտնում են պետպատվերի մեջ: