Մահապարտ ահաբեկիչը «եվրոպացու արտաքին» է ունեցել

Մոսկվայի Դոմոդեդովո օդանվակայանում տեղի ունեցած ահաբեկչության հետաքննությամբ զբաղվողներից մեկը հերքել է ԶԼՄ-ներում տարածված այն տեղեկությունը, թե ահաբեկչությունը երկու հոգի` մի կին եւ մի տղամարդ են իրագործել:

«Հիմնական ենթադրությունը դեռեւս մեկն է. Դոմոդեդովոյում պայթել է միայն մեկ ահաբեկիչ, նա 30-40 տարեկան տղամարդ է` ծանրամարմին է, հավանաբար եվրոպացու արտաքինով»,- ասել է այս գործով հետաքննությամբ զբաղվողը:

Նա նաեւ նշել է, որ թեեւ մահապարտի մարմնի մասերը խիստ դեֆորմացված են, սակայն ինքնությունը պարզել հնարավոր է:

Ավելի վաղ խոսվում էր այն մասին, թե ահաբեկիչությունը խմբով է կատարվել, եւ նրանց թվում կին էլ է եղել: Հաղորդում է ИТАР-ТАСС-ը: