Գրոհել են Al Jazeera-ն

Պաղեստինցիների ամբոխը այսօր գիշերը գրոհել է Al Jazeera հեռուստաընկերության Ռամալում գտնվող գրասենյակը (Հորդանան գետի արեւմտյան ափին է գտնվում):

Մահմուդ Աբասի գլխավորությամբ Պաղեստինյան ազգային ադմինիստրացիայի (ՊԱԱ) համախոհներն այդպես են արտահայտել իրենց բողոքը` Al Jazeera-ի հրապարակած նյութերի դեմ: Համաձայն այդ նյութերի` ՊԱԱ-ն պատրաստ է սկզբունքային զիջումների գնալ Իսրայելի հետ հարաբերություններում` հանուն խաղաղության հաստատման:

ИТАР-ТАСС-ի հաղորդմամբ` պաղեստինցիները կոտրել են գրասենյակի ապակիներն ու տեսահսկման խցիկները եւ այլ նյութական վնասներ են պատճառել: Որոշ ժամանակ անց ոստիկանությունը նրանց հեռացրել է գրասնեյակի շենքից:

Իսկ հեռուստաընկերության կայքում  պաղեստինաիսրաելական հակամարտության վերաբերյալ 1700 փաստաթուղթ է տեղադրված: