Պատանին հրկիզել է ինքն իրեն

Երեքշաբթի առավոտյան  տասնվեցամյա ֆրանսիացի մի տղա երրորդ կարգի այրվածքներով շտապ տեղափոխվել է Մարսելի հիվանդանոց: Տղան փորձել է ինքնասպանություն կատարել: Նա իր վրա լցրել է հատուկ բռնկվող հեղուկ,որի  միջոցով փորձել է այրել ինքն իրեն:

 Տղայի մարմնի մոտ 70%-ն այրված է:Դեպքը կատարվել է տղայի ուսանած դպրոցում, որ մասնավոր, շատ հարգի դպրոց է եւ գտնվում է Մարսելի հարավում: Մարսելի ոստիկանությունը դեռեւս չի մեկնաբանում թե, որն է եղել ինքնասպանության փորձի դրդապատճառը:

 Սակայն վերջին շրջանում ինքնահրկիզման դեպքեր են գրանցվել ողջ աշխարհում: Ֆրանսիայում սա արդեն երկրորդ դեպքն է: Նոյեմբերի ամսին տասնութամյա մի տղա նույնպես ինքնահրկիզման փորձ էր կատարել Բորդո քաղաքում: Տղան մինչեւ օրս դեռ կոմայի մեջ է գտնվում: