Ի՞նչ է անում հայ տղամարդը, երբ պակասում են գոյատեւման պայմանները

Առանց որոշակի բնակության վայրի, ազգությամբ հայ Գումեդին Գրիշայի Բելոսոնյանը փորձել է ինքնասպանություն գործել Մոսկվայում՝ ՌԴ նախագահի ընդունարանի շենքում։

Միջադեպը տեղի է ունեցել դեռ երեկ` հունվարի 13-ին։

Свободная пресса-ին Մոսկվայի իրավապահները հայտնել են, որ դեկտեմբերի 13-ին, ժամը` 14։30-ին, Իլյինկա 23 հասցեում գտնվող Մեդվեդեւի ընդունարանի տարածք է մտել մի տղամարդ եւ ածելիով իրեն պարանոցի շրջանում եւ աջ ձեռքին տարբեր վնասվածքներ է հասցրել։

Դեպքի վայր ժամանած շտապ օգնության մեքենան տղամարդուն հիվանանոց է տեղափոխել։

Արդեն հաստատվել է, որ 1970թ. ծնված տուժածը Ռուսաստանի տարածքում գրանցում չունի եւ ազգությամբ հայ է։

Հայտնի է նաեւ ինքնասպանության փորձի պատճառը։ Նախնական տվյալներով՝ այդ քայլով անտուն հայը փորձել է ուշադրության արժանանալ՝ գոնե ինչ-որ փաստաթուղթ ստանալու նպատակով։