Սպանդ` Կուզբասում

Կեմերովոյի մարզում կատարվել է հրեշավոր հանցագործություն: Աբագուր-Լեսնոյ ավանի մասնավոր տներից մեկում սպանվել է մի ընտանիք: Հայտնաբերվել են տանտիրոջ, նրա կնոջ, աղջկա եւ թոռնուհու դիակները` դանակի բազմաթիվ վնասվածքներով: Փրկվել է միայն մեկուկես տարեկան երեխան, որին ոստիկանները գտել են մահճակալի տակ:

Տանը հայտնաբերվել է նաեւ անհայտ հանցագործների հինգերորդ զոհը, որն այդ ընտանիքի անդամ չէ: Տղամարդը, որը նախկինում դատվածություն է ունեցել, նույնպես դանակահարված է եղել:

Հարուցվել է քրեական գործ: Հանցագործներին սպառնում է ցմահ բանտարկություն:

Հիշեցնենք, որ նմանատիպ հանցագործություն էր կատարվել 2010-ի նոյեմբերի 5-ին Կուշչեւսկի ավանում. սպանվել էր 12 մարդ, այդ թվում` 4 երեխա: Հետաքննության տվյալներով, հանցագործությունը կատարել էր ավանը սարսափի մեջ պահող Սերգեյ Ցապկայի ավազակախումբը: Հանցագործության մոտիվը արյան վրեժն է: