Ընտանեկան նպաստների համակարգում լուրջ փոփոխություններ են սպասվում

Աշխատանքի եւ սոցիալական հարցերի նախարարությունում դեռ նախորդ տարեվերջին սկսել էին ամենայն լրջությամբ զբաղվել ընտանեկան նպաստի համակարգը բարեփոխելու աշխատանքներով: Արդեն այս տարվանից նպաստառուների համար ակնհայտ կդառնա, թե որոնք են նոր փոփոխությունների լավ ու վատ կողմերը: Ամեն դեպքում, դեռ նախորդ տարի նախարարը խոստացավ, որ 2011-ին նախատեսվող բարեփոխումները նպատակ ունեն առավել հասցեական դարձնել պետության կողմից տրամադրվող սոցիալական աջակցությունը:

Նշենք, որ նախագծով նվազագույնի կհասցվեն բյուրոկրատական քաշքշուկները: Իսկ ընտանեկան նպաստի իրավունքը կորցնելու հավանականությունը` կապված կենսաթոշակի` 2500 դրամով բարձրացման հետ, եթե հավատանք խոստումներին, հնարավորինս կբացառվի: