Պակիստանի հոգևոր առաջնորդին առևանգել են

82-ամյա Լաքի Չանդ Գարջին Պակիստանի ամենահարգված Հինդու հոգևորականներից մեկն է: Նրան երեքշաբթի գիշերն առևանգել են:

Երբ տարածվել են նրա առևանգման մասին լուրերը, հարյուրավոր հինդուներ դուրս են եկել փողոցներ՝ մեծ խցանումներ առաջացնելով, և կառավարությունից պահանջել ապհովել իրենց հոգևոր առաջնորդի անհապաղ ազատ արձակումը:

Ըստ Պակիստանի լրատվամիջոցների՝ նա հարսանյաց արարողության գնալուց է եղել, երբ զինված մարդիկ նրան առևանգել են: Նրա հետ ևս հինգ հոգի են եղել, սակայն նրանց ազատ են արձակել:

Իշխանությունները կարծում են, որ նրան առևանգել են՝ փրկագին ստանալու և ոչ թե կրոնական նպատակներով: Իրավապահ մարմիններին հրաման է տրվել որքան հնարավոր է շուտ ապահովել հոգևոր առաջնորդի ազատ արձակումը: