ԱԶԳ. Հայազգի լրագրողը դատապարտվեց 15 տարվա ազատազրկման

Մոլդովայի օգտին լրտեսության մեջ մեղադրվող հայազգի լրագրող Էռնեստ Վարդանյանը դեկտեմբերի 16-ին Մերձդնեստրի դատարանի վճռով դատապարտվել է 15 տարվա ազատազրկման: Այս մասին տեղեկացնում է «Ազատություն» ռադիոկայանը:

Հիշեցնենք, որ Վարդանյանը այս տարվա ապրիլի 7-ին ձերբակալվել է Մերձդնեստրում` «լրտեսություն եւ պետական դավաճանությունե մեղադրանքով: Վարդանյանը եւ նրա մտերիմներն ու գործընկերները հերքում էին բոլոր մեղադրանքերը: Մի քանի ամիս առաջ հայազգի լրագրողը կարողացավ բանտից հայտարարություն անել, որում ընդգծել էր. «Եթե նույնիսկ ես հայտարարեմ, որ լրտեսություն եմ արել, չհավատաք, դրանում ստիպել են ինձ»: Հավելենք նաեւ, որ վերոհիշյալ մեղադրանքով Վարդանյանին սպառնում էր 12-20 տարվա ազատազրկում: