էքսկուրսիաներ Չեռնոբիլում

Ուկրաինան նախատեսում է մյուս տարվանից Չեռնոբիլի շրջակայքի փակ գոտին բացել այցելուների համար, այսօր տեղեկացրել է Արտակարգ իրավիճակների նախարարությունը:

Չեռնոբիլի №4 ռեակտորը պայթել է 1986 թ.-ի ապրիլի 26-ին՝ ճառագայթում տարածելով հյուսիսային Եվրոպայի մեծ մասի վրա: Ուկրաինայում, Բելառուսում և Ռուսաստանում հարյուր հազարավոր մարդիկ են վերաբնակեցվել ճառագայթումով աղտոտված տարածքներից:

Այսօր մոտ 2.500 աշխատակիցներ, աշխատելով հերթափոխով՝ որպեսզի նվազագույնի հասցնեն ճառագայթվելու վտանգը, պահպանում են փակված ատոմակայանի մնացորդները: Մի քանի ընկերություններ էքսկուրսիաներ են առաջարկում տարածքում, բայց կառավարությունն ասում է, որ դրանք անօրինական են, և նրանց անվտանգությունը չի երաշխավորվում:

Արտակարգ իրվաիճակների նախարարության խոսնակ Յուլիա Յերշովան ասել է, որ մասնագետները էքսկուրսիայի համար ապահով և բովանդակալից ճանապարհներ են ծրագրում: Նա կոնկրետ ամսաթիվ չի նշել, թե երբ են էքսկուրսիաները սկսվելու: