Օտարալեզու դպրոցների օրինագիծը՝ ԱԺ արտահերթ նիստի օրակարգ

Օտարալեզու դպրոցների տխրահռչակ օրինագծերը կառավարությունը մտցրել է ԱԺ արտահերթ նիստի օրակարգ: Փաստորեն, փորձ է արվում տարեմուտին մի շարք օրենքների շարքում աննկատ անցկացնել հանրության կողմից մերժելի «բարեփոխումը»: Եվս մեկ անգամ իշխանությունն ի ցույց է դնում մեր ազգային, քաղաքացիական ու մարդկային արժանապատվության և Անկախ Հայաստանի գաղափարի եւ իրականության հանդեպ իր արհամարհական և մերժողական վերաբերմունքը, ասվում է «Մենք դե՛մ ենք օտարալեզու դպրոցների վերաբացմանը»  քաղաքացիական նախաձեռնության տարածած բողոք-նամակում:

«Մենք դեմ ենք օտարալեզու դպրոցների վերաբացմանը» նախաձեռնությունը բողոքի երթ եւ ցույցեր է անցկացնելու Կառավարության, Կրթության եւ Գիտության նախարարության, ՀՀ նախագահի նստավայրի եւ Ազգային Ժողովի առջեւ:

Երթը կսկսվի դեկտեմբերի 14-ին՝ երեքշաբթի օրը, ժամը 10-ին Կառավարության նստավայրի կենտրոնական մուտքի մոտ: