Արծվիկ ՄԻՆԱԱՍՅԱՆ. Մարտի 1-2-ի մոնիտորինգի եզրակացությունը սվաղված էր

«Այսօր ունենք մի զեկույց, որին՝ բացի սվաղված լինելուց, ուրիշ գնահատական տալ չի կարելի»,- մեկնաբանելով Ազգային ժողովի պետաիրավական հարցերի մշտական հանձնաժողովի` 2008թ. մարտի 1-2-ի դեպքերի դիտարկման եզրակացությունը՝ ասել է ՀՅԴ խմբակցության անդամ Արծվիկ Մինասյանը:

Նրա համոզմամբ` «կառավարությունն իրականացնում է ուղիղ հակասոցիալական քաղաքականություն և կոալիցոն ուժերն իրենց քվեարկություններով հաստատում են դա»:

«Ձեր իրականացրած մոնիտորինգն ու բարեփոխումները հակաժողովրավարական, հակասոցիալական են: Եթե այս կերպ եք մտադիր կատարել ԵԽԽՎ բանաձևերը, պետք է արձանագրել, որ ձեզ հաջողվում է կատարել հակառակ գործողություններ՝ երկրում ժողովրդավարական արժեքների իրականացման ուղղությամբ: Մեծ հաշվով մեր երկրում դեռ չի հաստատվել Սահմանադրությունը հարգելու ավանդույթը, ավելին, ձեր գործողություններով դուք արհամարհում եք Մայր օրենքը»,- հայտարարեց Արծվիկ Մինասյանը: