ԼՂՀ խորհրդարանը կոչ է անում ակտիվորեն մասնակցել դրամահավաքին

Այսօր ԼՂՀ Ազգային ժողովը հանդես է եկել դիմումով, որտեղ համայն հայությանը կոչ է արվում ակտիվորեն մասնակցել «Հայաստան» համահայկական հիմնադրամի կողմից անցկացվող հեռուստամարաթոնին:

Դիմումի մեջ մասնավորապես նշվում է. «Մեր ուժը մեր միասնականությունն է: Եւ դա  կարող ենք եւս մեկ անգամ ապացուցել` միանալով համազգային դրամահավաքին, որից գոյացած միջոցները կուղղվեն Լեռնային Ղարաբաղի Հանրապետության եւ Հայաստանի Հանրապետության սահմանամերձ բնակավայրերում սոցիալական հրատապ խնդիրների լուծմանը: Կոչ ենք անում բոլորին` արժանի մասնակցություն ունենալ համազգային միջոցառմանը` ի բարօրություն մեր ժողովրդի, հանուն մեր նվիրական իղձերի իրականացման»,-նշվում է ԱԺ դիմումում, որի տակ ստորագրել են «ՙՀայրենիք՚», «ՙԺողովրդավարություն՚», «ՙԴաշնակցություն՚» խմբակցությունները եւ «ՙԱրցախատուն» պատգամավորական խումբը: