Գիտական հանրությունը նշում է ակադեմիկոս Մկրտիչ Ներսիսյանի 100-ամյակը

Այսօր Հայաստանի Գիտությունների ակադեմիայի նախագահության նիստերի դահլիճում կմեկնարկի անվանի պատմաբան, գիտության երևելի կազմակերպիչ և հասարակական գործիչ, ակադեմիկոս Մկրտիչ Ներսիսյանի 100-ամյակին նվիրված գիտական նստաշրջանը:

Մկրտիչ Ներսիսյանի աշխատությունները նվիրված են հայ ժողովրդի նոր շրջանի ազգային-ազատագրական շարժումներին, հայ-ռուսական հարաբերություններին, ռազմաքաղաքական ու մշակութային կապերի պատմությանը, Օսմանյան կայսրությունում հայոց ցեղասպանությանը:

Մկրտիչ Ներսիսյանը արժանացել է պետական մրցանակների` պարգևատրվել է Լենինի, Աշխատանքային կարմիր դրոշի, Ժողովուրդների բարեկամության շքանշաններով, ՀՀ Մովսես Խորենացու մեդալով: 1961-ին արժանացել է ՀԽՍՀ գիտության վաստակավոր գործչի կոչման: