Թագավորական հարսանիքի օրը նշանակված է

Արքայազն Ուիլիամը և Քեյթ Միդլթոնը ընտրել են իրենց հարսանեկան ծիսակատարության օրը և տեղը: Թագավորական ընտանիքն այսօր հայտնել է, որ պսակադրությունը տեղի կունենա ապրիլի 29-ին, Լոնդոնում՝ Ուեսթմինսթեր Էբբիում:

Հարսանիքի ծախսերը կհոգա թագավորական ընտանիքը, իսկ կառավարությունը կհոգա փոխադրման կամ անվտանգության հետ կապված ծախսերը:

Հարսանիքի վայր ընտրված Ուեսթմինսթեր Էբբին 1000 տարեկան է և 1066 թվականից սկսած եղել է թագադրման եկեղեցին, որտեղ թագավորները և թագուհիները թագադրվել են գահ բարձրանալիս: Այստեղ անցկացվել են բազում թագավորական հարսանիքներ, ինչպես նաև հուղարկավորություններ: Ուեսթմինսթեր Էբբիում է անցկացվել նաև լեդի Դիանայի հուղարկավորության արարողությունը:

Հարսանիքի օրը ազգային տոն է նշանակվելու: