Իրաքում զոհվածների թվում հայ չկա

Երեկ լրատվամիջոցներում լուր էր տարածվել, թե Նոյեմբերի 15-ին Իրաքում զոհված 7 անձանցից 2-ը քրիստոնյաներեր են` 1-ը հայ:

Մոսուլում yerkir.am-ի թղթակցից այսօր տեղեկացանք, որ զոհվածների թվում հայ չկա:

Քրիստոնյաների վրա հարձակումը տեղի էր ունեցել Մոսուլում: Զինված անձինք, սպանել են Ասորի կաթոլիկ եկեղեցու դավանորդին, նրա բարեկամին և փախուստի դիմել:

Վերջին շրջանում Իրաքում ավելի հաճախակի են դարձել հարձակումները քրիստոնյաների դեմ: Հիշեցնենք, որ անցած շաբաթ Բաղդադում քրիստոնյաների վրա հարձակման հետևանքով զոհվել է 6, վիրավորվել՝ 33 մարդ, իսկ նոյեմբերի սկզբներին Իրաքի մայրաքաղաքի կաթոլիկ եկեղեցում պատանդառված հարյուրավոր հավատացյալներին ազատելու գործողության ժամանակ զոհվել է մոտ 60 մարդ:

Մինչև 2003-ին սկսված Իրաքյան պատերազմը երկրում ապրում էր մոտ 800 հազար քրիստոնյա, իսկ այսօր` մոտ 500 հազար, ինչը քրիստոնեական համայնքի դեմ պարբերաբար կրկնվող բռնությունների հետևանք է: