close
Եղանակը Երևանում
25 Օգոստոսի 2019
-2°
+3°Ցերեկ
-3°Գիշեր
weather
close
Փոխարժեք
25 Օգս 2019
USD1475.99
GBP1581.09
EUR1526.40
RUB17.25
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սա պատերազմական իրավիճակ է. ՊՆ մամուլի խոսնակ

Հասարակություն

22 Դեկտեմբերի 2015, 11:53
 Սա պատերազմական իրավիճակ է. ՊՆ մամուլի խոսնակ

Այս գիշեր սահմանին իրավիճակը համեմատաբար հանգիստ է եղել, հրադադարի խախտման դեպքերն ավելի քիչ են եղել: «Հույս ունենք, որ այդ հանգստությունը կպահպանվի»,- այսօր լրագրողներին ասաց ՀՀ ՊՆ մամլո խոսնակ Արծրուն Հովհաննիսյանը:

Նա հայտնեց, որ տարեվերջին կհրապարակեն ադրբեջանական կողմի կրած զոհերի մասին. տարբեր տեղեկություններով` անցնող տարվա ընթացքում այդ զոհերի թիվն անցնում է 210-ը, իսկ հայկական կողմի զոհերի թիվը կհրապարակվի պաշտոնապես:

ՊՆ խոսնակի խոսքով՝ վերջին շրջանում լարվածությունը գերակշռում է ղարաբաղա-ադրբեջանական շփման գծում, իսկ Հայաստանի հետ սահմանին համեմատաբար հանգիստ է:

«Ադրբեջանական կողմն իր ողջ սպառազինությունն է օգտագործում: Տեսնելով, որ չեն կարողանում ինչ-որ արդյունքի հասնել, խոշոր տրամաչափի զենքեր են կիրառում: Մենք կարող ենք 10 արկին 1 արկով պատասխանել, բայց դիպուկ»,- ասաց Հովհաննիսյանը:

Ըստ նրա` տանկի կրակոցը մարտական ֆունկցիա կատարելիս այնքան ազդու չէ, որքան հրետանին. այս տարի մեկ ավելի վատ ցուցանիշ ունենք` Դ-30 հաուբից հրանոթը, որի կիրառումն առաջնագծում ավելի վտանգավոր է, քան տանկինը:

«Ոչ մեկի համար գաղտնիք չէ, որ սա պատերազմական իրավիճակ է, և ես կխնդրեի ձեր տերմինաբանության մեջ չօգտագործել հրադադարի խախտում արտահայտությունը, որովհետև հրադադարի խախտում մենք այլևս չունենք, հակառակորդն ավելի լուրջ բաներ է ուզում անել, որը նրա մոտ չի ստացվում»,- ասաց Արծրուն Հովհաննիսյանը:

Վատ է, երբ BBC-ն է դատավորը
9 Օգոստոսի 2019, 21:50 Վատ է, երբ BBC-ն է դատավորը
Մարությանը մրսել է
9 Օգոստոսի 2019, 17:59 Մարությանը մրսել է
yerkir.am
Այս բաժնի այլ նորությունները
Yandex.Metrica