close
Եղանակը Երևանում
22 Սեպտեմբերի 2019
-2°
+3°Ցերեկ
-3°Գիշեր
weather
close
Փոխարժեք
22 Սեպ 2019
USD1476.13
GBP1596.40
EUR1525.98
RUB17.47
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սեւանի էկոհամակարգի վիճակը կբարելավվի

Տնտեսական

14 Հուլիսի 2011, 17:59
 Սեւանի էկոհամակարգի վիճակը կբարելավվի

Հայաստանի կառավարության այսօրվա նիստում հաստատվել է ՀՀ նախագահին առընթեր Սեւանա լճի հիմնահարցերի հանձնաժողովի կողմից մշակված Սեւանա լճի էկոհամակարգի եւ ջրաբանական մոնիտորինգի իրականացման միջոցառումների ծրագիրը:

Բնապահպանության նախարար Արամ Հարությունյանը տեղեկացրել է, որ ըստ ծրագրի` Սեւանա լճի ավազանում կլինեն 6 ավտոմատ օդերևութաբանական կայաններ, գոլորշացուցիչ, 1 բեռնաուղևորատար ավտոմեքենա եւ այլն: Լճի ավազանի գետնամերձ շերտի մթնոլորտային օդի որակի մոնիտորինգի իրականացման համար կստեղծվի ու կգործարկվի Սեւանի ավազանի 5 բնակավայրերի` Սեւանի, Գավառի, Մարտունու, Վարդենիկի եւ Վարդենիսի 36, նաեւ «Սեւան» ազգային պարկի 24 պասիվ նմուշառման դիտակետից բաղկացած դիտացանց:

Տեխնիկապես կվերազինվի ավազանի մթնոլորտային օդի որակի մոնիտորինգի եւ գնահատման համակարգը: «Սեւանի էկոհամակարգի եւ ջրաբանական մոնիտորինգի իրականացման անհրաժեշտությունը, լինելով տեղեկատվական տվյալների հավաքագրման անընդհատ գործընթաց, հնարավորություն կտա հետևել լճի ձեւաչափերի փոփոխության միտումներին, պարզել դրանց պատճառները ու ձեռնարկել միջոցառումներ դրանք պահպանելու ու լավացնելու համար, այդ թվում՝ ջուրը, օդը, հողը, կենսաբազմազանությունը եւ ջրաբանական ցուցանիշները»,- ասել է նախարար Հարությունյանը եւ հավելել, որ այս միջոցառումների իրականացումը կնպաստի Սեւանա լճի էկոհամակարգի վիճակի մասին համալիր տեղեկատվական բանկ ստեղծելուն, իրավիճակը ճշգրիտ գնահատելուն, ավազանի օդում, ջրում եւ ցամաքում ընթացող պրոցեսները կառավարելի դարձնելուն, հետևապես` ջրի որակը բարելավելուն:

Անկախության երթ՝ Երևանում
21 Սեպտեմբերի 2019, 19:41 Անկախության երթ՝ Երևանում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica