close
Եղանակը Երևանում
19 Օգոստոսի 2018
+22°
+28°Ցերեկ
+18°Գիշեր
weather
close
Փոխարժեք
19 Օգս 2018
USD1483.14
GBP1613.68
EUR1549.86
RUB17.16
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գորան Բրեգովիչը Հայաստանում է

Մշակույթ

15 Նոյեմբերի 2010, 17:20
 Գորան Բրեգովիչը Հայաստանում է

«Ռոք աստղերը ֆիլմերի համար երաժշտություն չեն գրում: Ֆիլմի համար ես իմ առաջին երգը գրեցի ընկերության համար (խոսքը իր եւ Էմիր Կուստուրիցայի ընկերության մասին է)»,- այսօր իր համերգից առաջ լրագրողների հետ հանդիպման ժամանակ ասաց ռոք երաժիշտ Գորան Բրեգովիչը, ով հանդիսատեսին հայտնի է իր` ֆիլմերի համար գրված երգերով:

 

«Երեւանյան հեռանկարներ» 11-րդ միջազգային երաժշտական փառատոնի շրջանակներում Բրեգովիչը եւ իր «Հարսանիքների եւ թաղման նվագախումբը» այսօր հայ հանդիսատեսին են ներկայանալու «Ալկոհոլ» համերգային ծրագրով:

 

Բրեգովիչը սկզբում հումորով է նրանց անվանել «Հարսանիքի եւ թաղման նվագախումբ», քանի որ մինչ իրեն միանալը նրանք թաղումների ու հարսանիքների ժամանակ էին նվագել ու մասնագիտացել էին այդպիսի երաժշտություն նվագելու մեջ: Սերբերը մի սովորույթ ունեն, երբ թաղումից հետո հավաքվում են մահացածի տանը եւ երգում նրա սիրած երգը: Ու պատահում է, որ ուրախ երգեր էլ են երգում:

 

Վերջին տարիներին վաճառվել է Բրեգովիչի հինգ միլիոն ձայնասկավառակ, թեեւ երաժիշտը հեռուստատեսությամբ, երաժշտական ալիքներով հաճախակի չի երեւում. «Միամիտ մարդուն կթվա, թե աշխարհն այնպիսին է, ինչպիսին հեռուստատեսությամբ է երեւում: Այնինչ աշխարհի տարբեր անկյուններում այնպիսի գեղեցիկ երաժշտություններ կան, որոնք հեռու են MTV-ից»:

 

Գորան Բրեգովիչին չի մտահոգում նաեւ այն, թե իր երաժշտությունը կարող են գողանալ կամ նմանակել իրեն: Չէ, որ նմանակումները բոլոր ժամանակներում էլ եղել են: Միգուցե Հայաստանից ստացված տպավորություններն էլ մի օր երգի միջոցով կարտահայտի Բրեգովիչը, բայց դա, հավանաբար, կլինի տարիներ անց. «Եթե դեմ չեք, ես կգողանամ այստեղից, բայց այն հետագայում կերեւա»:

Ջերմաստիճանը կնվազի
18 Օգոստոսի 2018, 20:09 Ջերմաստիճանը կնվազի
Իրավիճակը՝ շփման գծում
18 Օգոստոսի 2018, 15:53 Իրավիճակը՝ շփման գծում
ՃՏՊ` Առինջ գյուղի մոտ
17 Օգոստոսի 2018, 22:13 ՃՏՊ` Առինջ գյուղի մոտ

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica