close
Եղանակը Երևանում
16 Նոյեմբերի 2018
+9°
+11°Ցերեկ
+5°Գիշեր
weather
close
Փոխարժեք
16 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե հիմա նահանջեն էլ, ես դրա մեջ սարսափելի ոչինչ չեմ տեսնում. Լիլիթ Պիպոյան

Հասարակություն

29 Հունիսի 2015, 14:24
 Եթե հիմա նահանջեն էլ, ես դրա մեջ սարսափելի ոչինչ չեմ տեսնում. Լիլիթ Պիպոյան

Նույնիսկ եթե հիմա նահանջեն էլ, ես դրա մեջ սարսափելի ոչինչ չեմ տեսնում, կարելի է սպասել, տեսնենք` էդ աուդիտն ինչ է լինում. Yerkir.am-ի հետ զրույցում ասաց երգիչ, երգահան Լիլիթ Պիպոյանն` անդրադառնալով էլեկտրաէներգիայի թանկացման դեմ իրականացվող բողոքի ակցիային:

Պիպոյանին չի թվում, որ խումբը հիմա պառակտված է: «Ճիշտ է, նախաձեռնողներն են Ազատության հրապարակ գնացել, բայց նրանց կողմնակիցներն այս պահին, կարծես, քիչ են: Մյուս կողմից` եթե այդ մարդիկ բավարարված են, ոչինչ, ի՞նչ անենք, հիմա այդ մարդկանց էլ դա է բավարարում: Նորմալ է, ես ոչ մի սարսափելի բան չեմ տեսնում: Մարդիկ ընտրելու հնարավորություն ունեն: Նրանք, ովքեր գտնում են, որ լուծումը դա էր, գնացել են Ազատության հրապարակ»,- ասաց մեր զրուցակիցը:

Սակայն, ըստ նրա, մյուս կողմից էլ մենք տեսնում ենք, որ ժողովուրդը չի հավատում առաջարկված լուծմանը. հավատալու տեղ չեն թողել, դրա համար էլ, Պիպոյանի կարծիքով, մարդկանց մի մասը մնացել է Բաղրամյանում:

Երգչուհու մեկնաբանմամբ` բացատրությունները, որոնք տալիս է նախագահը, հարցի խորքերը չեն գնում, ամբողջ պատկերը չեն բացում: «Ընդհանրապես` նախագահի` մինչ այդ լռելը, հետո ելույթը, որում սպառնալիքներ էլ կային, թե` մենք կարող էինք այս ու այն անել, բայց չենք անի, մի քիչ լավ չէ: Ես, օրինակ, որ նախագահ լինեի, հաստատ արդեն բազում անգամներ ելույթ ունեցած կլինեի` բացատրելու համար: Եթե նա նման բան է առաջարկում և երաշխավորում, որ հարցը կլուծվի, թող ուղղակի մարդկանց առջև խոսի, որ նրանք էլ հասկանան ու գնան իրենց տները, որովհետև ինձ թվում է` երեխեքն արդեն հոգնել են»,- ասաց նա:

Պիպոյանի կարծիքով` վերջին օրերին Բաղրամյան պողոտայում երգն ու պարն անհուսությունը հաղթահարելու համար էր, ինչը չես ասի առաջին օրերի մասին: «Քանի որ դասախոսում եմ, գիտեմ երիտասարդներին, շատ եմ շփվում նրանց հետ. բողոքի ակցիայի առաջին օրերին մարդիկ, կարծես, հառնած լինեին, պսպղուն աչքերով: Նրանք լիահույս էին, կարող են իրենց կյանքը կարգավորել, հույս ու ավյուն կար նրանց մեջ, հոռետեսությունից դուրս էին եկել, ինչն արդեն լավ է: Գնալով զգում ենք մեր ուժը»,- ասաց նա:

Տեղումներ` թաց ձյան տեսքով
16 Նոյեմբերի 2018, 18:01 Տեղումներ` թաց ձյան տեսքով
ԱԺ նիստն` ուղիղ
16 Նոյեմբերի 2018, 10:24 HES_VIDEOԱԺ նիստն` ուղիղ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica