close
Եղանակը Երևանում
20 Սեպտեմբերի 2017
+30°
+32°Ցերեկ
+20°Գիշեր
weather
close
Փոխարժեք
20 Սեպ 2017
USD1478.23
GBP1647.91
EUR1574.40
RUB18.26
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ե՛վ Հայաստանը, և՛ ԵՄ-ն 2013-ի սեպտեմբերի 3-ից հետո իրենց դասերն առել են. Թևան Պողոսյան

Քաղաքական

30 Մայիսի 2015, 14:45
 Ե՛վ Հայաստանը, և՛ ԵՄ-ն 2013-ի սեպտեմբերի 3-ից հետո իրենց դասերն առել են. Թևան Պողոսյան

ԱԺ արտաքին հարաբերությունների մշտական հանձնաժողովի անդամ, «Ժառանգություն» խմբակցության պատգամավոր Թևան Պողոսյանն այսօր լրագրողների հետ հանդիպման ընթացքում անդրադարձավ Ռիգայի գագաթաժողովին: Պատգամավորի կարծիքով` այն Հայաստանի համար մի քանի դրական արդյունքներ է ունեցել: Առաջին` Եվրամիությունը հավատարիմ մնաց ճկուն քաղաքականությանը և, Հայաստանի խնդիրները հաշվի առնելով, մեր երկրին տրամադրեց նոր բանակցություններ սկսելու մանդատ:

«Հույս ունենանք, որ մինչև 2015-ի ավարտը կունենանք նոր համապարփակ փաստաթուղթ: Իհարկե, այդ փաստաթուղթը, բացի քաղաքական լինելուց, կունենա նաև տնտեսական բաղադրիչ»,- նշեց Պողոսյանը: Հաջորդ հաջողությունը, ըստ նրա, այն է, որ անցում կլինի վիզաների ազատականացման ծրագրին, ինչը ՀՀ քաղաքացիներին եվրոպական երկրներ առանց վիզաների այցելելու հնարավորություն կտա: Անդրադառնալով Հայաստան-ԵՄ հարաբերությունների լավացման հարցում ԵՏՄ-ի արձագանքին` Թևան Պողոսյանն ասաց, որ և՛ Հայաստանը, և՛ ԵՄ-ն 2013-ի սեպտեմբերի 3-ից հետո իրենց դասերն առել են, և ՌԴ արտգործնախարարն ասել էր, որ իրենք դեմ չեն ԵՄ-ի բազմավեկտոր քաղաքականությանը: «Եթե հաշվի առնենք նաև այն հանգամանքը, որ ՀՀ արտգործնախարարն էլ է բազմիցս խոսում բազմավեկտոր քաղաքականության մասին, ապա պետք է նշել, որ մենք պետք է մեր շահերը գիտակցենք»,- նշեց պատգամավորը՝ հավելելով. «Այն ճանապարհը, որ ԵՄ-ն պատրաստվում է անցնել Հայաստանի հետ, բխում է նաև ԵՄ-ի շահերից»: Հարցին՝ ի՞նչ կտա Ռիգայում ստորագրված փաստաթուղթը Լեռնային Ղարաբաղի խնդրի կարգավորման հարցում և արդյո՞ք կնպաստի ԵԱՀԿ Մինսկի խմբի գործընթացին, Պողոսյանը պատասխանեց, որ փաստաթղթում հիմնախնդրի վերաբերյալ մի նախադասություն կար` նրանք ողջունում են Մինսկի խմբի աշխատանքները:

«Միջազգային պրակտիկայում հայտնի խոսք կա՝ բանակցությունների սեղանից չի կարելի հեռանալ: Դուք գիտեք, թե ովքեր լքեցին սեղանը, ինչը փաստում է, որ, չասեմ հայանպաստ, բայց առնվազն հակահայկական չեն փաստաթղթում ընդունված դրույթները»,- ասաց պատգամավորը:

Հիշեցնենք, որ Ադրբեջանի պատվիրակները լքել էին բանակցությունների սեղանը, քանի որ փաստաթղթում Արցախյան խնդրի կարգավորման վերաբերյալ դրույթներ կային:

Կենտրոնում ջուր չի լինի
20 Սեպտեմբերի 2017, 17:48 Կենտրոնում ջուր չի լինի
Հրդեհ՝ Պեմզաշեն գյուղում
20 Սեպտեմբերի 2017, 17:08 Հրդեհ՝ Պեմզաշեն գյուղում
Արտահոսք գազի բալոնից
20 Սեպտեմբերի 2017, 14:16 Արտահոսք գազի բալոնից

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica