close
Եղանակը Երևանում
20 Փետրվարի 2019
-2°
+3°Ցերեկ
-3°Գիշեր
weather
close
Փոխարժեք
20 Փտր 2019
USD1487.50
GBP1629.90
EUR1551.07
RUB17.36
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Արգելված պտուղ». գրականությունը ծնունդը, կենսագրությունը վերանայելն է

Թուղթուգիր

6 Փետրվարի 2015, 12:10
 «Արգելված պտուղ». գրականությունը ծնունդը, կենսագրությունը վերանայելն է

և իմացիր
լինելու են մանուկներ
որոնց նայելիս
քեզ թվալու է
հրեշտակները եկել են
քո ետևից:

 

***

Երեկ տեղի ունեցավ արձակագիր Նառա Վարդանյանի «Արգելված պտուղ»' արդեն իսկ երրորդ գրքի շնորհանդեսը: Գրքում տեղ են գտել 2 պատմվածաշար և 15-ից ավելի պատմվածքներ:

 

 

Պատմվածաշարերից մեկը' «Ամենագեղեցիկ պատերազմը», անդրադառնում է պատերազմի, դրա հետևանքների ու խաղաղության թեմային: Նառան իրեն պատերազմի պասսիվ մասնակից է համարում, ավելի շատ պատերազմի հետևանքների կրողը, քան մասնակիցը:

 


«Իմ գործերում ներկայացրել եմ պատերազմից հետո խեղճացած մարդուն, նրա ապրումները, բարդույթները, ժամանակի մեջ կողմնորոշված լինելը»,- ասում է նա:

 


Նառայի գործերում մեծ տեղ է զբաղեցնում նաև մահվան թեման. «Մարդը բարդույթ ունի, որ իր մարմինն իրեն անընդհատ լքում է, և իմ ստեղծած գրականությունը հենց այդ լքման վախի, սարսափի մասին է: Առհասարակ, գրականությունն ինձ համար ծնունդը, իմ կենսագրությունը վերանայելն է»:

 


Գրականագետ Արքմենիկ Նիկողոսյանը մեկն է այն մարդկանցից, ով Նառայի առաջին պատմվածքների առաջին ընթերցողն է եղել: Ըստ նրա` առաջին իսկ քայլերից հեղինակն առանձնանում էր իր ուրույն ձեռագրով, և հենց սկզբից կանխատեսելի էր, որ ճիշտ աշխատանքի դեպքում նա գրականության մեջ լավ ճանապարհ կունենա:

 

«Այդպես էլ եղավ, որովհետև նա իր վրա աշխատող, նախորդ փորձերից դաս քաղող հեղինակ է, սրան զուգահեռ' իր հավակնություններով և ձգտումներով չափազանց համեստ հեղինակ է»,- ասում է գրականագետը:

 


Նրա կարծիքով' «Արգելված պտուղ» վերնագիրը շատ հատկանշական է Նառայի ստեղծագործական աշխարհի համար, քանի որ նա իր գրականությամբ մատնացույց է անում այնպիսի երևույթներ, որոնց մասին մենք բարձրաձայն չենք խոսում կամ խոսում ենք ամաչելով: «Սա անկախության սերնդի գիրք է' ավելի հասուն գրողի, այն մտածված և ստեղծագործաբար իրացված է' անկախության սերնդի դժվարությունները, հաղթանակները, հոգեբանական պարտությունները ներկայացնող մի գիրք, որտեղ ամփոփված է մի ամբողջ սերնդի կենսագրություն»,- ասում է գրականագետը:

 


Այն, որ այս գրքում կան նաև պատմվածքներ գրողի առաջին' «Կանաչ տետր» գրքից, գրականագետի խոսքով, փաստում է այն մասին, որ Նառան գիտակցել է իր որոշ գործերի հաջողված լինելը:

 


***
Էս մեկն էլ իմացիր
Կլինեն արգելված գրքեր
Արգելված տողեր
Աևգելված
Անպայման կարդա: 

 

 

 

 

 

 

Կարոտը դեռ տուն է դառնալու
19 Փետրվարի 2019, 20:06 HES_VIDEOԿարոտը դեռ տուն է դառնալու
yerkir.am
Այս բաժնի այլ նորությունները
Յոթ օր կորսված դրախտում
11 Հունվարի 2019, 23:03
 Խավար է առջևում
8 Հունվարի 2019, 23:32
Վարպետ Մեսրոպի կտակը
16 Դեկտեմբերի 2018, 19:38
Հայացք՝ խոսքից խոսուն
11 Դեկտեմբերի 2018, 22:55
Ես կգնամ
4 Դեկտեմբերի 2018, 22:20
Ամենաշատ ընթերցվածները
Yandex.Metrica